Lepurusha e revistës "Playboy” dhe ish e dashura e Hugh Hefnerit, Holly Madison, i ka siguruar gjinjtë e saj në vlerë 1 milion dollarë. Biondina seksi, e cila ishte popullarizuar për fotot e saj të shumta lakuriqe për revistën erotike më të famshme në botë, por edhe për paraqitjen në serialin “Playboy Mainson Girls”, ka vendosur që format e saj më të vlefshme trupore, t’i ketë të siguruara.

Ajo kohë më parë ka fituar programin e vet televiziv "Holly World”, i cili përcjell ngritjet dhe rëniet e saj në Las Vegas, ndërsa gjithashtu paraqitet edhe në shfaqjen "Peepshow".

“Pasi në shumicën e skenave të këtyre shfaqjeve jam gjysmë e zhveshur, pra i kam gjinjtë e pambuluar, më është dashur t’i siguroj gjinjtë, sepse nëse atyre u ndodh diçka, unë mbetem pa punë”, ka thënë ajo për medie.

Holli sigurimin e ka zyrtarizuar në kompaninë “Lloyd’s” në Londër, me preminë prej 1 milion dollarë. Biondja magjepsëse, këtë vit është gjetur në listën e femrave më seksi, të përpiluar nga revista “Playboy”, por edhe në listën e femrave ‘të cilat nuk mund t’i shohim me sy’, e përpiluar nga ueb-faqja “Askmen”.