Zjarrfikësit e lokalizuan zjarrin i cili sot pasdite shpërtheu në konstruksionin e çatisë së teatrit të Shkupit në ndërtim pranë lumit Vardar.

Ekipet e Brigadës së zjarrfikësve të Qytetit të Shkupit të cilët intervenuan me dhjetë automjete, pritet së shpejti tërësisht ta shuajnë zjarrin.

Nuk ka të lënduar në mesin e të punësuarve të cilët janë të angazhuar në ndërtimin e teatrit. Në vendin e ngjarjes arritën kryeministri Nikolla Gruevski, ministrja e Kulturës Elizabeta Kançeska Milevska dhe kryetari i Qytetit të Shkupit, Koce Trajanovski.

Tani për tani nuk bëhet e ditur si është shkaktuar zjarri, por nuk përjashtohet mundësia të ketë ndodhur gjatë saldimeve.

Borjanka Serafimoviq, mbikëqyrëse profesionale e ndërtimit të teatrit, deklaroi se zjarri është shuar, por se për shkak të specifikës së materialit akoma ka tym mbi objektin.

"Hetimi i shkaqeve për zjarrin është në vijim. E dimë se ka shpërthyer në nënkonstruksionin prej druri i cili ndodhet mbi sallën multimediale, mbi të cilën ka pllakë betoni. Prandaj, dëmi material do të jetë i parëndësishëm. Objekti është tërësisht i siguruar dhe dëmi do të kompensohet tërësisht", thotë Serafimoviq.

Zbatues i punimeve të objektit është "Beton-Shtip".