Publikon foto në “Facebook”, ndryshon vazhdimisht statusin e tij, ndërron interesat, preferon grupin muzikor “Cold Play” dhe filmin “Love Actually”, poston fotografi me të dashurën e tij dhe shprehet pro demokracisë.

Do të ishte një 16-vjeçar i zakonshëm, nëse nuk do të kishte mbiemrin Jong-il. i quajtur edhe ai Kim, adoleshenti është nipi i diktatorit famëkeq të Koresë së Veriut dhe kalon jetën e tij në udhëtim midis Pekinit dhe Makaut.

Me një jetë të pashqetësuar në Kinë, Kim Jong-il i ri u detyrua të kufizonte shikueshmërinë e profilit të tij, pasi mediat koreanojugore publikuan lajmin sikletosës për fqinjët veriorë.

Megjithatë, ka edhe një lajm më shokues se ky. Sipas gazetave në Seul, edhe djali i Kim Jong-il dhe trashëgimtari i tij në fron ka një profil në “Facebook”, në të cilin lëshon ofendime të rënda ndaj babait.

Sipas tyre, një përdorues me emrin Kim Chol dhe që pretendon se jeton në Hong Kong, është në të vërtetë i përzgjedhuri Kim Jong-un.