Shkrimtari Suedez Tomas Transtromer është shpallur fituesi i çmimit Nobel në letërsi për vitin 2011. Transtromer, një poet surrealist suedez i cili ka shkruar për misteret e mendjes njerëzore.

Akademia e Nobelit ka votuar atë për shkak “përshkrimeve të imazheve të tejdukshme, duke sjellë qasje të re për realitetin”

Transtromer ka pësuar një goditje që e ka lënë atë gjysmë të paralizuar dhe të paaftë për të folur por ai vazhdon të shkruaj dhe publikoje punime.

80-vjeçari është fituesi i 108 i çmimit prestigjoz, që vitin e kaluar e moriu Mario Vargas Llosa. Çmimi ka një vlerë prej 1.1 milion euro.

Pas shumë vitesh kandidat ai është bërë evropian i tetë që merr çmimin Nobël në letërsi në 10 vitet e fundit. Transtroemer, ka lindur në Stokholm në vitin 1931 dhe është diplomuar në psikologji në vitin 1956.

Poeti suedez erdhi në Shqipëri në vjeshtë 2003 për të prezantuar librin “Perandoria e barit”, i përkthyer nga poetja Natasha Lako. Në një takim me lexuesin shqiptar në ditët e Panairit Ndërkombëtar të Librit “Tirana 2003” ai pat deklaruar: “Vargjet e mia janë protestë kundër zhurmës. Të gjithë poetët që shkruajnë duhet të kenë një periudhë heshtje.”