Juan Sebastian Veron, futbollisti argjentinas i Estudiantes de la Plata, do t’i japë lamtumirën futbollit të luajtur në fund të muajit tetor.

Ndeshja ndaj Racing e 31 tetorit do të jetë e fundit për mesfushorin 36-vjeçar për shkak të problemeve të shumta fizike që ai po kalon.

“Nuk mund ta duroj dot më dhimbjen”, u shpreh Veron, i cili nuk është rekuperuar ende plotësisht nga një operacion në gju që ka kryer para disa muajsh.

Juan Sebastian Veron ka luajtur me kombëtaren argjentinase Kupën e Botës Francë 1998, Kore-Japoni 2002 dhe Afrika e Jugut 2010.

Veron ka luajtur gjatë karrierës së tij me ekipe si Lazio, Inter, Manchester United dhe Chelsea.