- Autoritetet kosovare janë të gatshme që në fund të procesit negociues të nënshkruajnë marrëveshje paqësore me Serbinë, pa vendosjen e parakushteve për pranimin e pavarësisë së Kosovës nga ana e Beogradit, botoi gazeta prishtinase "Koha Ditore".

Zëvendëskryeministri kosovar Hajredin Kuçi në deklaratë për gazetën thekson se qëllimi i dialogut që tani udhëhiqet mes Prishtinës dhe Beogradit me ndërmjetësim të BE-së është që të lidhet marrëvedhje paqësore mes Kosovës dhe Serbisë dhe se autoritetet kosovare punojnë në realizimin e qëllimit të tillë.

"Marrëveshjet paqësore historikisht tregojnë se shtetet nënshkruese me to i zgjedhin të gjitha problemet paraprake, i ndërprejnë konfliktet dhe fillojnë bashkëpunim", theksoi Kuçi.

Sipas tij, autoritetet kosovare janë të gatshëm në lidhjen e marrëveshjes paqësore me Serbinë, nën kusht që me të ta mbrojnë shtetësinë dhe integritetin territorial të Kosovës.