Ka menduar të festojë ditëlindjen me një ‘party’ ku mes të tjerëve të ishin të ftuar edhe kolegë këngëtarë, por kjo gjë nuk ka funksionuar. Këngëtari Hekuran Krasniqi, i cili tri ditë më parë mbushi 32 vjeç, kishte menduar të organizonte në një nga klubet e njohura në qendër të Prishtinës një festë.

Por askush nga personat VIP që kishte ftuar nuk i kanë shkuar, madje më saktë asnjë femër këngëtare nuk e ka “nderuar” me praninë e saj. Ata që nuk kanë munguar kanë qenë djemtë e grupit “Babo Tarabukat”, si edhe këngëtari Albatrit Muciqi, ndërsa të pranishmit e shumtë nuk kanë qenë persona të njohur në botën e muzikës apo artit.

Gjithsesi, Hekuran u bëfsh 100 vjeç dhe me këtë rast, njohe edhe kolegët!