Një gjyqtar në Ukrainë ka vendosur se ish-kryeministrja Yulia Tymoshenko ka tejkaluar kompetencat e saj kur firmosi një marrëveshje gazi me Rusinë në vitin 2009.

Lajmin e bëjnë të ditur mediat ndërkombëtare. Ende nuk dihet nëse vendimi i gjyqtarit Rodion Kireyev do të thotë se Tymoshenko do të dënohet.

Ish-protagonistja e Revolucionit Portokalli, që akuzohet për abuzim me anë të pushtetit, insiston se është viktimë e një hakmarrjeje politike të presidentit Viktor Yanukovych.

Ndërkohë, qindra mbështetës të partisë së zonjës Tymoshenko janë mbledhur jashtë gjykatës në Kiev.

Për të ruajtur rendin, jashtë gjykatës janë vendosur policë anti-protesta. Deri tani janë verifikuar disa incidente sporadike, por jo trazira të mëdha.