Burime nga Greqia bëjnë të ditur se policia greke bëri të mundur kapjen dhe sekuestrimin e 125.3 kg lëndë narkotike dhe arrestimin e një shqiptari.

Aksioni i policisë është bërë në kufirin Shqipëri-Greqi, në zonën e Shën Parashqevisë. Droga ndodhej në një automjet, policia greke arrestoi drejtuesin e mjetit ndërkohë që është shpallur në kërkim një tjetër shqiptarë.

Gjithashtu policia greke gjatë kontrollit të ushtruar në automjet ka bërë të mundur edhe sekuestrimin e një kallashnikovi dhe disa fishekëve.

Mësohet se gjatë arrestimit ka pasur përleshje me armë mes një polici grek dhe personit të shpallur në kërkim, por ende nuk dihen detaje të tjera të ngjarjes