Komuna e Çairit së bashku me Ministrinë e Mjedisit Jetësor dhe Planifikimit Hapsinor nisi projektin për rinovimin e sistemit të ngrohjes në SHF “Cvetan Dimov”.

Sistemi i ngrohjes në këtë shkollë është i vjetër më shumë se 35 vjet dhe tani më i amortizuar, kurse rezervuari i lëndës djegëse gjendet ndër hapësirën shkollore ku zhvillohet mësimi dhe paraqiste rrezik për jetën e nxënësve, kuadrit arsimor dhe rrethinës ne tërësi.

Me qëllim që shkolla ti plotëson standartet bashkëkohore, komuna nisi iniciativën për ndërrimin e sistemit ngrohës dhe zhvendosjen e rezervuarit jashtë hapësirave shkollore. I tërë projekti do të kushtojë 2.000.000 denarë dhe afati i mbarimit të punëve është 1 muaj.