Kontrata e afrikanit me klubin e tij londinez skadon në fundin e sezonit dhe 33-vjeçari nuk ka hedhur ende firmën mbi rinovimin që i është ofruar. Besohet se bregofildishtasi dëshiron të provojë një përvojë të re, pas shtatë vitesh në “Stamford Bridge”.

Sipas shtypit anglez, Totenhemi do të provojë të bëjë një ofertë, por do të jetë e vështirë që të mposhtë konkurencën e Bajernit, të cilët i ofrojnë mundësinë sulmuesit që të luftojë për trofe në të gjithë kompeticionet.

Ndërkohë, destinacioni i ardhshëm i Tevezit duket se po shndërrohet gjithmonë e më sumë Reali i Madridit. “Apashi”, i pakënaqur në Mançester, po ushtron presion mbi klubin që ta lejojë të largohet që gjatë muajit janar.

Jose Mourinho do të bëjë një ofertë në rastin e parë që do të krijohet, por transferimi do të bëhet i mundur vetëm në qoftë se Siti dhe argjentinasi do të ulin pretendimet e tyre të ekzagjeruara.

Klubi i Mançinit pretendon 40 milion euro për të shitur kartonin e sulmuesit, shumë për një zëvendësues, ndërsa Tevez nga ana e tij synon një pagë prej 15 milion eurosh, çka do ta shndërronte në Madrid në lojtarin më të paguar, më shumë edhe se Ronaldo.