Në Bon sot zhvillohet garë e madhe humanitare mjetet e së cilës janë të dedikuara për Maqedoninë. E organizojnë organizata joqeveritare, ndërsa mbështetës sivjet është edhe kryebashkiaku i Bonit, Jirgen Nimpç, transmeton Dojçe vele.

Zakonisht në garë marrin pjesë një numër i shkollave. Kësaj radhe do të vrapojnë 1.426 nxënës prej 16 shkollave nga Boni dhe rrethina.

Me dhurimin e mjeteve mbështeten projektet e forumit "Shërbimi paqësor qytetar" në rajonet konfliktuoze dhe financohet puna e edukimit për paqe në Bon. Edhe sivjet me mjetet e grumbulluara do të mbështetet puna e këtij forumi në Maqedoni. Do të organizohen takime midis fëmijëve dhe të rinjve nga entitete të ndryshme dhe do të trajnohen ndërmjetësues në shkollat në Shkup, Strugë dhe Kërçovë, të cilët duhet ta parandalojnë ekskalojnë e konflikteve midis bashkësive etnike.

Gara në Bon mbahet për vitin e tetë me radhë. Ajo organizohet edhe në qytete të tjera në Gjermani, por edhe në Maqedoni. Në pesë vitet e kaluara në këtë mënyrë janë mbledhur donacione prej rreth 27.000 euro.