Tentativa e Presidentit të Francës Nicolas Sarkozy që të duket si një njeri pranë qytetarëve të thjeshtë duke blerë pije për miqtë dhe bashkëpunëtorët e tij në një zonë rurale kishte një fund aspak të mirë kur ai u largua pa paguar paratë.

Skena ndodhi në Villetelle ku Sarkozy ishte në kuadër të fushatës për rizgjedhjen e tij në mandatin e kreut të shtetit.

Duke ju drejtuar barit të lokalit ai tha “është rradha ime” ndërsa porositi gjashtë kafe që kushtonin në total 6.6 euro.

Më pas Sarkozy tha se nuk kishte asgjë më të rëndësishme se sa të shijoje një pije me miqtë.

“Është një vend shumë i bukur. Duam të lëvizim këtu” tha Sarkozy duke ju drejtuar Bruno Durand që ishte pronari i kafenese.

Pasi mbajti një fjalim të shkurtër duke treguar se si kishte lehtësuar taksat për biznesin në zonat rurale ai u largua dhe pas tre ditësh ende ka për të paguar faturën 6.6 euro.