Sipas regjistrimit të sapo përfunduar të popullsisë, në Serbi do të ketë rreth 300 mijë qytetarë më pak. Këto janë vlerësimet e para të regjistrimit të popullsisë në këtë shtet, ndërsa anketuesit kanë evidencuar 7.4 milionë banorë, që përafërsisht është i njëjtë me rezultatin e vitit 2002.

“Mortaja e bardhë, refugjatët, të cilët janë kthyer në shtëpitë e tyre, si dhe qytetarët e regjistruar dyfish, siç vlerësohet, do të zvogëlojnë numrin për gati - 300 mijë njerëz”, shkruan gazeta “Veçernje novosti” e Beogradit, e cila shprehet se Serbia do të jetë më e vogël për një qytet të madhësisë së Nishit.

Vlen të theksohet se shqiptarët e Luginës së Preshevës e kanë bojkotuar në tërësi procesin e regjistrimit.