Trajneri i Lacios, Edi Reja ka thënë se është i lumtur që skuadra e tij fitoi derbin ndaj Romës.

Lacio të dielën mbrëma mundi Romën prej 2:1, në derbin e kryeqytetit italian.

“E merituam ta fitonim një derbi. Shpresoj se kjo fitore do të gjej paqen tek fansat tonë. Jam i lumtur për fitoren, sepse e mposhtëm një skuadër të madhe. Një muaj më parë e kam menduar dorëheqjen, për faktin se disa gjera nuk ecnin mirë. Dikush dëshiron ta destabilizoj ambientin, por unë shkojë përpara rrugës sime”, ka thënë Reja.

Ai tha se është i kënaqur më punën që ka bërë brenda një viti e gjysmë në krye të bankinës së Lacios.