Rudina Zhara e lindur në Pejë, shkollën fillore dhe të mesme e kreu ne Pejë ndersa studimet për aktore ne fakultetin e artit dramatik i mbaroi në Universitetin e Tetovës.,klasa e profesor Sefedin Nuredinit. Pas studimeve u kthye në vendlindje ku jeton dhe vepron.

Intervistoi: Avni Osmani

Na tregoni si ju lindi ideja të bëheni aktore dhe pse pikërisht zgjodhët rrugën e mundimshme të artit?

Rudina Zhara : Nuk e besoj se duhet të të lindë ideja për tu bërë aktore , besoj shumë që është diçka që e ndjenë brenda vetes, nuk e di për vete kur ka qenë momenti që jam përcaktuar, thjeshtë gjithmonë e kam dashur këtë profesion.

Keni studjuar në Universitetin e Tetovës , çfarë përshtypjesh ju la jeta studentore në Tetovë?

Rudina Zhara : Periudha kohore kur unë kam studiuar ka qënë paksa specifike. Ishin kohëra shumë te vështira politike si në Kosovë ashtu në Maqedoni, jam gjenerata e parë e aktrimit në Usht, mbi të gjitha vështirësitë dhe fazat tranzicionale te mentalitetit në Tetovë është periudha më e bukur e jetës sime, shumë shpeshë kam nostalgji për atë kohë, për koleget, shoqërinë , njerëzitë e Tetovës te cilët më përkrahën shumë.

Na flisni për karrierën tuaj keni marrë pjesë në teatër dhe nëpër projekte televizive , cili rol ose project ju ka lënë më shumë mbresa dhe ku e gjen veten më së miri Rudina?

Rudina Zhara: Rolet e mia në karierën time janë të ndryshme, një gjë mundë ta them : çdo punë që kam marrë përsipër patjetër se e kam bërë me plotë dashuri, përndryshe unë nuk di të funksionoj ndryshe.

,,Me dyerr të mbyllura,, roli – Estela , autore –Zhan pol sartr regjisor –Ahmet Jakupi Teatri i kombësive Shkup 1997 xhirruar për Mtv e Shkupit.

Projekt filmik ,,Shi me gjak,, regjisor Sefedin Nuredini 1998 Kumanovë
Rekordi i përtacisë –shfaqe per fëmije,teksti ®jia Sefedin Nuredini 1998

,,Këmbegjati ,barkëmadhi dhe largëpamësi,,shfaqe për
fëmijë ,teksti dhe regjia Sefedin Nuredini 1999 Tetovë.

,,Të vdekur të pavarrosur,, roli –Fransua, autore-Zhan pol Sartri , regjisor Sefedin Nuredini ,Tetovë 1999.

,,Aleksandri i madh i Maqedonisë ,, e autorit murat isaku,regjisor-xhevat limani, Strugë 1999.

Projekt filmik, ,,Gjurmët e trotuarit,, metrazhi i shkurtër ,Regjisore Shqipe Nuredini Kumanovë viti 2000.

,,Burri me dy gra,, autor –Rey kunej, regjisor Sulejman Rushiti –teatri alternativa 2000 Shkup.

,,Gënjeshtra i ka këmbët e…,, teksti dhe regjia Arsim Kaleci &Rudina Zhara 2000 Tetovë.

,,Shërbetori i dy zotërinjëve,, Carlo Goldone regjisor Bekim Halili Tetovë 2000.

,,Moteli,, teksti ®jia Shqipe Nuredini 2000-01 Shkup ,xhirruar për
mtv Shkup me pjesemarrje në festival në Korçë dhe Elbasan

,,Pasioni i lindjes se zjarrtë,, teksti ®jia Sofia Cooper , Pejë 2002


,,Sfida e madhe,, autor –Nebi islami, regjisor-Sefedin Nuredini Teatri i Pejës 2004 me pjesëmarrje në festivalin e Dibrës 2004 dhe festivalin e Kumanovës 2004.

,,Dramë pasioni,,autor- Peter Nichols ,regjisor-Donard Hasani ,Struge 2005 me pjesëmarrje në festivalin e shkupit 2005

,,Rrëfimet e narkomanëve,, autor Reshat Nurboja, regjisor-Ruzhdi Spahiu teatri i qytetit ,,Istref Begolli ,, Pejë 2007

,,Memeci që flet,, shfaqe për fëmijë ,regjisor-Denis Berisha-teatri i Pejës 2007


,,Rrëfimet e narkomanëve 2,,autor –Reshat Nurboja ,regjisor-Adonis Filipi, teatri profesional,,Istref Begolli ,,Pejë 2008-9



Projekt filmik : Kështjella e Arbënis,, regjisor-Nimon Muçaj 2009

,,Vëlla ,vëlla kosi me dollarë,,autore F,Postoli &K.floqi ,regjisor-Ahmet jakupi ,teatri profesional,,Istref Begolli,, Pejë 2011 me pjesemarrje ne festivalin e Dibrës dhe festivalin e Kumanoves.

Seriali,,qyteti pa lumë,, regjisor Ilir Kabashi,rtk 2011 si dhe disa projekte të tjera .

Keni punuar në shkollën e mesme,, Odhise Pakali ‘’ në Pejë na tregoni më detalisht çfarë eksperience ishte kjo për ju dhe çfarë u bë me fatin e kësaj shkolle dhe me fatin tuaj pastaj.?

Rudina Zhara : Përvoja ime në shkollën e mesme të arteve aplikative Odhise Paskali ka qenë e larmishme ,shumë tërheqese ,sfiduese ,ishte përgjegjësi shumë e madhe,kjo degë është mbyllur sepse ka nevojë për pauza ,të mos prodhojmë vetëm aktorë,në fakt është dashurë vetëm te pauzohet ndërsa tani e kanë mbyllurë me arësyetimin se nuk ka planprogram.

Aty kam patur aktivitete të ndryshme kulturo artistike si në organizimin e shfaqeve dhe recitaleve, shfaqeve të shkurtëra për fëmijë si dhe inskenimin e disa përallave etj.

Keni marrë pjesë në serialin ,, Qyteti pa lumë’’ si do ta vlerësoni këtë bashkëpunim dhe a do të ju shohim edhe në episodet tjera të këtij seriali që do të realizohen në të ardhmen .?

Rudina Zhara: Seriali ,, Qyteti pa lumë’’ është një serial i zhanrit dramë i cili vërtetë i ka munguar publikut tonë,bashkëpunimi ka qenë shumë korekt dhe besojë se ashtu do të vazhdojë, po do luajë dhe në episodat e ardhëshme.

Sa jeni e kënaqur me rrjedhat kulturo-artistike në Pejë dhe në përgjithësi në Kosovë? Sa i jepet hapsirë gjeneratës së re ?

Rudina Zhara: Nuk jam e kënaqur por jam optimiste se në të ardhmën e afërt do krijohet hapësirë e mjaftueshme për punë e sidomos për vlera.

A mendoni se tek ne mungon me të madhe kinematografia repektivisht filmi i mirëfilltë shqiptar , sipas jush ku qëndron problem i mospasjes kur dihet fakti se kemi plot aktor bile edhe regjisor?

Rudina Zhara: Këtu kam vetëm një thënie,,dëshira dhe mundësitë rrallëhere janë bashkë,, ne duam të kemi kinematografi, me gjeneratat e reja ka gjeneruar edhe kualiteti i regjisorëve dhe aktorëve por mundësitë nuk janë të mjaftueshme në Kosovë ,tregu është i vogël dhe besoj se duhet skenaret e filmave tonë të jenë me tema më urbane, sikur është harxhuar tema e folklorit si dhe ajo e kanunit të cilat tema vetëm nxjerrin anët negative te kulturës e traditës sonë.

A keni marrë pjesë në ndonji festival të teatrit apo të filmit dhe sa ndikojnë festivalet për një artiste të mirëfilltë?

Rudina Zhara : Po kam marrë pjesë në festivale dhe besoj se është shumë me rëndësi . Festivalet janë ura lidhëse ndërmjet artistëve .

Përveç aktrimit cili është hobi i juaj apo a keni ndonjë aktivitet tjetër ?

Rudina Zhara : Nuk mundë të kemi asgjë që ska të bëjë me aktrimin , janë kukullat që i punojë për teatrin tim të kukullave.

Cili është mesazhi juaj për lexuesit e gazetës online Yllpress. Com ?

Rudina Zhara: Mesazhi im për lexuesit është: Mos harroni se nuk kemi fuqinë mbi të nesërmen prandaj shijoni momentin me kënaqësi.