Autoritetet në Podgoricë kishin marrëveshje me Beogradin që të presin me njohjen e pavarësisë së Kosovës, deri në votimin e nismës serbe për ligjshmërinë e pavarësisë së Kosovës në Kombet e Bashkuara (KB).

Këtë e deklaroi kryeministri malazez Millo Gjukanoviq, duke iu përgjigjur kritikave për njohjen malazeze të pavarësisë së Kosovës.

"Para disa muajve shefi i diplomacisë serbe ishte në Podgoricë dhe kërkoi nga ne të mos e njohim Kosovën para se Asamblea e Përgjithshme e KB-ve të prononcohet për iniciativën e Serbisë", sqaroi Gjukanoviqi.

"Ndërkohë partnerët tanë evroatlantik shfaqën shpresë që ta njohim Kosovën, por edhe përkundër kësaj ne e përmbushën premtimin tonë jozyrtar ndaj Beogradit dhe e pritëm seancën", shtoi kryetari malazez.

Sipas tij, fakti që Podgorica e njohu Kosovën vetëm një ditë pas Asamblesë së KB-ve, është "rastësi e plotë".

"Kjo mund të ndodhte tre ose pesë ditë më vonë, por nuk kishte ndryshime asgjë", shtoi Gjukanoviqi.


/Makfaks/