20 tetori, dita e osteoporozës ka nxjerë studentët e mjekësisë në një fushatë sensibilizuese për shmangien e sëmundjes që shkakton uljen e densitetit si dhe kualitetit të kockave. Shefja e pavionit të osteoporozës pranë QSUT, Teuta Backa shpjegon edhe pasojat e kësaj sëmundjeje ndërsa e cilëson aktivitetin sensibilizues si mjaft të nevojshëm në një kohë që 200 milion persona në të gjithë botën janë prekur nga osteoporoza.

Shkaktarët kryesorë që influencojnë prekjen nga kjo sëmundje janë dieta e varfër, duhanpirja, aktiviteti dobët fizik, mosha etj. Mjekët këshillojnë tre hapa parandaluese si aktiviteti fizik, një dietë e pasur me kalcim si dhe vitamina D.