Bashkia e Tiranës ka ndërmarrë një aksion për pastrimin e territorit të liqenit artificial. Aksioni konsiston në heqjen e inerteve, bllokimin e subjekteve të cilat shkarkojnë ujërat e zeza dhe lavazhet që marrin ujë në liqen. Inspektoriati i bashkisë në ditën e parë bllokoi 7 subjekte dhe disa familje që prej kohësh shkarkonin ujërat e zeza në liqen.

Zëvëndës kryetari i bashkisë së Tiranës Edmond Panariti, ndër të tjera shtoi se në fazën e dytë, do të vendoset në punë kanali komunikues mes Liqenit Artificial dhe Liqenit të Farkës, ç`ka, sipas Panaritit do të sigurojë ekuilibrin e duhur hidrik. Gjithashtu kjo fazë përfshin edhe rehabilitimin e plotë të digës si dhe rregullimin dhe vënia në funksion normaI të kolektorit të saj.