Astronomët Adam Kraus nga Universiteti në Havaje dhe Majkëll Ajrlend nga Universiteti Makari në Sidnej kanë arritur që në orbitën rreth një ylli të ri të xhirojnë planetin e ri, i cili ndodhet ende në fazën e formimit.

“Trupi qiellor, i cili është quajtur LkCa 15 b, deri më tash planeti më i ri i zbuluar, dhe rreth pesë herë më i ri nga rekorderi i mëparshëm”, ka shpjeguar Kraus në një deklaratë për rrjetin televiziv ABC.

LkCa 15 b ndodhet 450 vit drite larg Tokës dhe kjo “foshnjë kozmike” është rreth gjashtë herë më e madhe se sa Jupiteri dhe e vjetër rreth dy milionë vjet.

Vrojtimi i planetit në momentin e formimit iu ndihmon shkencëtarëve që të përgjigjen në pyetjen nëse ata krijohen në fazën e hershme ose të vonshme të jetës së yjeve dhe nëse formohen pranë ose më larg yllit rreth të cilit sillen në orbitë.

Detajet e zbulimit do të publikohen në revistën “The Astrophysical”.