“Të pi një cigare”. Kjo ka qenë dëshira e fundit e djalit të diktatorit, Mutassim Gaddafi para se të vritej nga kryengritësit libianë që e luftuan familjen e tij. Mutassim u arrestua dhe më pas u vra në Sirte në ditën e njëjtë sikurse edhe babai i tij.

Disa fotografi janë shfaqur në internet me Mutassimin që pi ujë, dhe që e pi cigaren e tij të fundit, kur u pyet nga kryengritësit se çfarë donte si fund. OKB-ja ka bërë thirrje për hetim të mënyrës së vrasjes së Gaddafit, pasi që trupi i tij po ekspozohet në një mishtore si trofe.