Kryetari i Bashkimit Demokratik pwr Integrim (BDI) Ali Ahmeti dhe zëvendës kryeministri i Republikës së Maqedonisë Abdilaqim Ademi kanë pritur sot përfaqësuesin e Maqedonisë ambasadorin Zoran Jolevskin, negociator për çwshtjen e emrit, kontest që zhvillohet për disa vite mes Maqedonisë dhe Greqisë.

Ambasadori Jolevski e informoi kryetarin e BDI-së Ahmeti dhe zëvendës kryeministrin Ademi me rrjedhën e negociatave për zgjidhjen e kontestit të emrit që zhvillohen me ndërmjetësimin e përfaqësuesit të KB-së, Metju Nimic.

Ambasadori Jolevski i njoftoi për raundin e fundit të bisedimeve që u zhvilluan në Gjenevë dhe për raundin e radhës që do të zhvillohen muajin e ardhshëm.

Kryetari I BD-së Ali Ahmeti theksoi se qëndrimi i BDI-së për këtë çështje është i njohur dhe se BDI është për kompromis të përbashkët që nuk do të ndikojë në marrëdhëniet në mes dy vendeve fqinje dhe do të shënojë progres në procesin e integrimit të vendit në strukutrat euro-atlantike.