Ministri i Punëve të Jashtme Nikolla Poposki prej dje qëndron për vizitë pune në Parlamentin Evropian në Strasburg.

Vizita është pjesë e aktiviteteve të Republikës së Maqedonisë për avancimin e dialogut me Parlamentin Evropian, që është me rëndësi të posaçme në kontekst të përgatitjes së Rezolutës për përparimin e Maqedonisë për vitin 2011. Gjithashtu, vizita është pjesë e aktiviteteve për përparim të bashkëpunimit të grupit joformal për mbështetje në Parlamentin Evropian "Miq të Maqedonisë".

Gjatë vizitës, ministri Poposki do të takohet me eurokomisarin për zgjerim Shtefan Fyle, si dje me kryetarët e grupeve më të mëdha politike - eurodeputetin Zhozef Doll, kryetar i grupit të partive Popullore Evropiane, eurodeputetin Martin Shulc, kryetar i grupit të Socialistëve dhe demokratëve, Martin Kamp, sekretar i përgjithshëm i grupit të Partive Popullore Evropiane dhe me më shumë eurodeputetë të tjerë.

Nën patronazhin e grupit "Miq të Maqedonisë", dje në Strasburg u mbajt degustimi i verës së Maqedonisë, e organizuar nga ministri Poposki dhe kryesuesi i grupit "Miq të Maqedonisë", eurodeputeti Martin Kastler.