Prej sot e deri më 3 korrik të këtij viti është hapur procedura për kandidimin për rektor të Universitetit Shtetëror të Tetovës, në bazë të vendimit të Drejtorisë së rektorit të USHT-së dhe kritereve për zgjedhje, të miratuara nga ana e Senatit.

Kandidimi do të realizohet përmes këshillave mësimoro-shkencor të fakulteteve të USHT-së, në bazë të Ligjit për arsim të lartë të Republikës së Maqedonisë dhe Statutit të USHT-së.

Të drejtë për aplikim kanë kandidatët me titull mësimoro-shkencor profesor i rregullt, të propozuar nga ana e fakulteteve të USHT-së. Kandidatët për rektor të USHT-së, deri te Drejtoria e rektorit, duhet të parashtrojnë Program - platformë për punën e tyre 4-vjeçare.