Barcelona sonte e ka fituar duelin kundër Granadas, por me vështirësi të mëdha. Gjatë 90 minutave, ekipi katalanas nuk arriti ta zhvillojë lojën e vet, sikundër Lionel Messi nuk ishte ai i vërteti.

Praktikisht sot u dëshmua se nëse “ nuk i shkon” mesit, Barcelona luan më zbehtë, ka më pak aksione të frytshme dhe më pak është e rrezikshme për portën kundërshtare.

Xavi, ishte lojtari i cili “e nxori” Barcelonën në Granada kur në minutën 33 me gol shumë të bukur nga 27 metra largësi, që ia solli tre pikë të reja Barçës.

Nga minuta e 53-të Granada luajti me një lojtar më pak pas përjashtimit të Romeros me kartonin e dytë të verdhë, mirëpo Blaugranët nuk arritën të shënojnë gol tjetër.

Kjo fitore është e gjashta e Barcelonës në këtë kampionat spanjoll dhe e pozicionon hë për hë ekipin katalanas në krye të tabelës, para Levantes dhe Real Madridit, që të mërkurën zhvillojnë ndeshjet e kësaj xhiroje.