Jane Shepherd, një pensionistje 64-vjeçare angleze, ka zgjedhur të jetojë në shtëpinë e saj me 3 dhelpra.

“Dhelprat janë shumë të dashura. Janë pak a shumë si macet: të pavarura dhe shumë kurioze. Banorët e zonës i kanë gjetur të vegjël pasi nëna i kishte braktisur dhe unë vendosja t’i merrja në shtëpi”, shprehet e moshuara.

“Mund të duket shumë e çuditshme dhe e rrezikshme, por në momentin që dhelprat rrinë me njerëzit e ndryshojnë krejtësisht sjelljen e tyre natyrale dhe bëhen të dashura. Pasi ndryshojnë sjelljen, nuk duhet të rikthehen në natyrë, prandaj kam vendosur që t’i mbaj deri në fund”, shton Jane.