Ministri algjerian i naftës dhe shefi i OPEC-ut Hakib Khelil, ka paralajmëruar mundësinë që kjo organizatë në takimin e Vjenës, të marr vendimin për zvogëlimin drastik të prodhimit të naftës.
Zvogëlimi i prodhimit do të sillet prej 1,5 deri në dy milionë fuçi për një ditë, theksoi Khelil duke shpjeguar se shkurtimet kanë për qëllim balancimin e ofertës dhe kërkesës. Për zvogëlimin e prodhimit dhe ngritjen e çmimit të naftës angazhohet edhe Irani. Të enjten çmimi i naftës ka rënë nën 70 dollarë për një fuçi, ndërsa në qershor ishte 147 dollarë. 13 vendet anëtare të OPEC-ut prodhojnë rreth një të tretën e naftës në mbarë botën.

ALSAT-M