Një artiste amerikane lindi fëmijën e saj para një publiku në një galeri të Nju Jorkut. “Lindja e bebit X” titullohej “shfaqja” e 36-vjeçares Marni Kotak.

Ngjarja ndodhi të martën në Microscope Gallery të Bruklinit, ku artistja ishte “shpërngulur” që në datën 8 tetor dhe kishte vendosur një shtrat duke pritur lindjen. Rreth 20 persona ishin të pranishëm në galeri në momentin e lindjes.

Në ditët e pritjes, artistja kalonte kohën duke diskutuar me vizitorët e galerisë mbi shtatzaninë e saj.

I gjithë procesi i lindjes është regjistruar dhe galeria ka bërë të ditur se videoja mund të shihet duke filluar nga data 7 nëntor.