Së paku 90 për qind e bankave janë të gatshme të falin gjysmën e borxhit grek, deklaroi për javoren gjermane "Velt am zontag" drejtori i Institutit për financa ndërkombëtare (IMF), Çarlls Dalara.

Liderët e eurozonës arritën kompromisin javën e kaluar me bankat për shlyerje vullnetare të 50 për qind të vlerës së obligacioneve shtetërore greke, si pjesë të planit për uljen e debitimeve të përgjithshme të vendit dhe për mposhtje të krizës debitore në eurozonë.

"Jam mjaft optimist, se mbi 90 për qind e bankave do të marrin pjesë", theksoi Dalara, i cili i kryesoi negociatat në emër të sektorit bankar dhe kreditorëve privat.

Tani për tani, sipas tij, nuk është e ditur se për çfarë sakrifica do të dakordohen të bëjnë pronarët e tjerë të obligacioneve greke si kompanitë dhe fondet e sigurimeve.

Sektori privata posedon obligacione shtetërore greke për 206 miliardë euro, nga të cilat 24 miliardë blenë vitin e kaluar kompanitë e sigurimeve.

Në këmbim të faljes së gjysmës së borxhit grek, BE-ja dhe FMN-ja do të propozojnë garanca në vlerë prej 30 miliardë eurove si stimul financiar për tërheqjen e sektorit privat.