E re në moshë por shumë premtuese në skenën muzikore. Sharmantja e cila rëmbeu çmimin kryesor në festivalin Netët e klipit shqiptarë nuk ndalon me kaq. Nuk ekspozohet shumë nëpër media për shkak se është në përfundim të studimeve, kurse pasi të mbaroj ato, ajo premton një hit të radhës. Vajza nga Prishtina e cila në bashkpunim me Hekuran Krasniqin sfiduan së bashku shumë konkurentë të tjerë vjen në një rëfim për Panorama plus ku tregon emocionet pasi në duar mban trofeun e fitueses.
Intervistoi:
Blerand Rexhepi
Kur ke filluar hapat e parë në muzikë?
Që kur isha e vogël kam kënduar, mirëpo para ekranit televiziv isha atëherë kur këndova këngen "Plas" në moshën 21 vjeçare.
Ishte e vështirë apo e dëshiron me gjithë zemër këtë profesion?
Si gjithmonë çdo punë në jetë i ka vështersitë e veta, mirpo muzika gjithmonë më ka pëlqyer, jam rritur me muzikë dhe gjithmonë kam ëndërruar që një ditë të dal para publikut dhe të jap maksimumin të bëj më të mirën për shikuesit.
Edhe pse publiku shqipëtar tash të njeh shumë mirë, përshkruaje veten me pak fjalë, kush është Blinera?
Jam Blinera Krasniqi nga Prishtina studente e fakulltetit ekonomik, muzikën e kam pasion ku përmes muzikës shpresoj që të jem më afër publikut.
Sa këngë keni realizuar deri më tani?
Gjithsej kam 8 këngë të realizuara ndërsa me video kam 4 këngë ku 2 prej tyre janë duetet me Hekuran Krasniqin dmth këngët "Mos e le për pak" dhe "Lali".
E keni goditur ju profesionin, apo keni ëndërruar ndonjë profesion tjetër?
Jam në përfundim të fakulltetit ekonomik dhe sigurisht që do të kontriboj edhe në fushën profesionale po do ta kultivoj edhe më tutje muzikën por me gjithë atë më mirë të them se gjithçka tia lë kohës.
Të kalojmë te jeta juaj artistike, te pjesa më e bukur e vetes suaj. Ju vlerësojnë si vajzë me karakter, të bukur dhe të zgjuar. A keni fituar në publik nga gjithë ky sinqeritet?
Ju faleminderit për fjalët miradije që thoni për mua, ndërkaq sa i përket sinqeritetit çdo njeri e vlerëson sinqeritetin e dikujt, jam vetja dhe nuk dua që tia kaloj kufirit për asgjë, mendoj që publikun dëshiron një këngë të mirë....
Mendoni se e keni merituar çmimin kryesor dhe juria e festivalit ka gjykuar drejtë? Cilin nga videoklipet keni pasur favorit?
Të them të drejten nuk e kam pritur sepse ishin në konkurencë shumë videoklipe kualitative dhe të kushtueshme nga Kosova, Maqedonia dhe Shqipëria, ishte një juri shumë profesionale dhe çmimi kryesor ka qenë thjeshtë një ëndërr, e sidomos për mua ku ishte hera e parë që marr pjesë me një festival në Shqipëri. Mirëpo tani kur trofen e kam në duar medoj që e kemi merituar sepse ishte nje klip ku realizimi është bërë në qytetin e vjeter të Prizrenit me grupin Art design dhe për këtë duhet falenderuar produksionin Video art
Tashmë pas këtij suksesi, a prisni oferta të reja për bashkpunime muzikore?
Tani në treg do dëshiroj të dal me një këngë solo, megjithatë bashkpunimet muzikore janë të mirëseardhura.
Ju ka pritur mirë publiku shqiptar, jeni e kënaqur aq sa keni qëndruar në Shqipëri?
Më ka pritur shumë shumë mirë ku shfrytëzoj rastin të përshëndes sidomos stafin e festivalit Netet e klipit shqiptar ku më pritën mjaft mirë, e ceka edhe më herët qe ishte hera e parë që mora pjesë në një festival të Shqiperisë dhe isha e befasuar për mikëpritjen që më kanë bërë ku edhe gjat intervistave që bëra gjat qëndrimit tim në Shqiperi isha shumë e emocionuar.
Çka është duke punuar Blinera, aktualisht dhe çka në të ardhmen presim nga ju?
Tani kohëve të fundit i jam përkushtuar më shumë studimeve ku jam në perfudim të fakultetit ekonomik ku pastaj mendoj të paraqitem me një këngë solo.
