Ministri britanik për çështje evropiane, Dejvid Lidington, ka deklaruar në Beograd se zgjidhja e çështjes së veriut të Kosovës nuk mund të shtyhet përgjithmonë.

Ai ka thënë se përparimi në dialogun Prishtinë-Beograd është shumë domethënës për vazhdimin e integrimeve evropiane të Serbisë dhe ka shtuar se dialogu duhet të vazhdojë sa më shpejt.

Pyetjes se a bëhet fjalë për nevojën e njohjes së pavarësisë së Kosovës në rrugën evropiane të Serbisë, Lindigton i është përgjigjur se mendimi i Komisionit Evropian qartëson se çështja e marrëdhënieve me fqinjët është absolutisht e domosdoshme.