Në vazhdën e takimeve të shumta që Ministri i Vetëqeverisjes Lokale z. Nevzat Bejta i cili merr pjesë në sesionin e 17-të të Këshillit të Evropës, që po mbahet me 3 dhe 4 nëntor në Kiev të Ukrainës ai realizoi takim me Sekretarin Gjeneral të Kongresit të autoriteteve lokale dhe regjionale të Këshillit të Evropës Andreas Kiefer.

Te dy bashkëbiseduesit e vlerësuan larte mbajtjen e kësaj konference e cila është një mundësi e mirë e këmbimit të përvojave dhe njohurive të ndërsjella.

Në këtë takim u diskutua për Ligjin për zhvillim të barabartë regjional në Republikën e Maqedonisë dhe mundësinë dhe iniciativën për ndarjen e 1% të bruto prodhimit te brendshëm për regjionet e planifikuara.

Ministri Bejta e informoi Sekretarin Gjeneral z. Kiefer për hapat ë që ka ndërmarrë Maqedonia në këtë proces dhe sipas tij 1% nga bruto prodhimit vendor do të ngel në fokusin e tij si ministër që me qëllim regjionet të zhvillohen në mënyre të barabartë.

Andreas Kiefer, potencoi se në kuadër të Këshillit të Evropës, ekziston organ i veçantë i cili çdo 5 vite i viziton shtetet për të përcjellur progresin në sferën e vetëqeverisjes lokale si dhe zhvillimit regjional.

Sekretari Gjeneral i Kongresit në Këshillin e Evropës z. Andreas Kiefer, planifikon që në të ardhme të afërt ta vizitoj Maqedoninë.