Propozimi i fundit i biznes bashkësisë ka mundësi për realizim, pa u rrezikuar makroekonomia e vendit, deklaroi sot ministri resor Fatmir Besimi, duke komentuar kërkesën e afaristëve për sigurimin e një miliardë euro kapital të freskët.

Duke u përgjigjur në pyetje të gazetarëve pas nënshkrimit të Memorandumit për bashkëpunim me Agjencinë austriake për zhvillim, Besimi theksoi se edhe në biznes pakon e tretë qeveritare të masave kundër krizës ekonomike botërore, një nga elementet është edhe ribalanci i Buxhetit.

"Nëse paraqitet nevoja për ribalanc, ministri i financave Trajko Sllaveski do ta informojë Qeverinë", tha Besimi.

Në pyetjen nëse do të ketë negociata me EVN-në dhe mundësi për zgjidhje me kompromis, ministri theksoi se Qeveria e Maqedonisë e informon Bashkësinë energjetike për ankesat e ngritura nga ana e EVN-së dhe ky proces vijon.

Sipas Besimit, mund të jetë në favor dhe të merret parasysh vlerësimi i disa investuesve të huaj se biznes klima në vend nuk kënaq.

"Në aspektin ekonomik, seriozisht jam i interesuar të krijojmë klimë të mirë ekonomike, e cila do të ndihmojë për realizimin e përpjekjeve tona të deritanishme për promovimin e Maqedonisë", theksoi ministri Fatmir Besimi.