Robert Pattinson dhe Kristen Stewart kohë të gjatë nuk deshën ta pranojnë lidhjen, por kohën e fundit gjithnjë e më shpesh po dalin në opinion detaje nga jeta e tyre intime.

Miqtë e afërt me këtë çift zbulojnë se Robert Pattinson është shumë i pasigurt në lidhje saqë dëshiron në çdo moment ta ketë vëmendjen e të dashurës së tij. “Gjithmonë brengoset se Kristen do ta lërë. Ajo shpesh e injoron dhe kjo e çmend atë”, pohoi një burim për “US Magazine”.

Çifti thuhet se ka dallime të mëdha edhe sa i përket të ardhmes. 25-vjeçari Pattinson tashmë është duke menduar për martesën me Kristen-in, derisa ajo pohon se aspak nuk është e gatshme për këtë. Çifti momentalisht është duke zgjedhur se ku do të jetojë pas përfundimit të realizmit të sagës “Twilight”, ndërsa janë në dilemë ndërmjet Londrës dhe Los Anxhelos-it.