Me një donacion të qeverisë zvicerane prej rreth një milion franga sot në Strugë u vunë në përdorim dhjetë impiante në bregun e liqenit të Ohrit. Startoi edhe impianti në afërsi të fshatit Vranishtë.

Me këtë, problemet me ujërat e zeza do të tejkalohen ndërsa të gjitha impiantet nga Ohri deri në Strugë, tashmë janë ndërruar komplet dhe funksionalë.

“Bëhet fjalë për një trajtim cilësor të ujërave të zeza nga Burimet e Biljanës deri tek impianti në Vranishtë. Deri më tani kishim problem me kalimin e ujërave të zeza për shkak se pajisjet ishin 22 vjecare dhe kishte ardhur koha që të zëvendësohen me të reja”, u deklarua gjatë përurimit.