Nuk do të ketë rritje të numrit të klasave në shkollën e mesme të mjekësisë ‘Pançe Karagjozov’. Njoftimi është bërë nga Ministria e Arsimit e cila është e vendosur për të respektuar deri në fund konkursin e paraparë për regjistrim në shkollat e mesme.

‘Nuk do të lejojmë që 170 nxënës të jenë mbi ligjin dhe kushtetutën e Maqedonisë ku në mënyrë decide thuhet se të gjithë qytetarët janë të barabartë sikur edhe 21 mijë e 575 nxënësit të cilët konkurruan dhe u regjistruan në vitin e parë në afatin e parë të regjistrimit’, thuhet në komunikatën e Ministrisë së Arsimit.

Nga Ministria informojnë se në afatin e dytë të regjistrimit në shkollën e mesme të mjekësisë ‘Pançe Karagjozov’ në Shkup ka 170 vende të lira me mësim në gjuhën shqipe.