14 milion euro ka kushtuar ceremonia martesore e Petra Ecclestone, vajza e bosit të Formulës 1, Bernie Ecclestone, duke u bërë ceremonia më e kushtueshme në botë.

E gjithë shuma e shpenzuar në ceremoninë e kryer në kështjellën Odescalchi në Breshiano të Italisë, është harxhuar pa dijeninë e Bernie Ecclestone.

Megjithëse zotëron një pasuri të majme, Bernie thotë se gjithcka ka një kufi. Sipas mediave britanike, vajza e tij, Petra, vajzë që Bernie e ka me ish-gruan Slavica, ka shpenzuar pa dijeninë e tij 14 milion euro.

Në ceremoninë super të kushtueshme, është shërbyer verë me cmim prej 5 mijë eurosh shishja, ndërsa për kënaqësinë e të ftuarve, në ceremoni ka marrë pjesë Royal Philarmonic Orchestra dhe grupi i famshëm i muzikës dance, Black Eyed Peas. Përvec këtyre, në ceremoni kënduan edhe Eric Clapton, Alicia Keys dhe Andrea Bocelli.

Petra Ecclestone, vajza e vogël e Ecclestone, u kurorëzua në martesë me biznesmenin James Stund.