Maqedonia prej sot e deri më 20 nëntor për herë të katërt do të jetë pjesë e Javës globale të sipërmarrësisë, ngjarja më e madhe botërore për promovim të sipërmarrësisë midis të rinjve.

Java globale e sipërmarrësisë do të fillojë me konferencën në Shkup që duhet ta hapë ministri i Ekonomisë Valon Saraçini, ndërsa në kuadër të saj do të mbahet edhe panel diskutim me temë "Sipërmarrësi, sfida, inovacione, krativitet".

Java globale e sipërmarrësisë është lëvizje botërore e sipërmarrësve, në të cilën miliona njerëz i lirojnë talentet e tyre sipërmarrëse dhe i shndërrojnë idetë e tyre nër ealitet. Gjatë një jave, prej 14 deri 20 nëntor, të gjithë të interesuarit do të mund të marrin pjesë në ngjarjet e organizuara nga qindra qytete në botë.

Qëllimi është të krijohet gjeneratë e re e sipërmarrësve në suaza botërore, me atë që do të inspirohen të rinjtë përmes aktiviteteve në mësonjtoret e tyre, mjediset punuese dhe në internet. Vitin e kaluar ka pasur mbi 32.000 ngjarje të realizuara në 88 vende, në të cilat kanë marrë pjesë më shumë se 7,5 milionë njerëz.