KM Tefejuz shënon suksese në garat ndërkombëtare në Qipro


Turniri ndërkombëtar të mundjes që mbahet në Qipro, ku marrin pjesë numër madh i mundësve nga vend të ndryshme në mesin e të cilëve edhe klubi i mundjes Tefejuz që drejtohet nga ylli i mundjes shqiptare Shaban Tërstena, ish kampion Olimpik. Në këtë garë ndërkombëtare më të suskeshëm ishin përfaqësuesit e Turqisë të cilët kanë fituar 76 pikë, të dytët ishin përfaqësuesit e Bullgarisë me 73 pikë, të tretët ishin përfaqësuesit nikoqir të Qipros me 72 pikë ndërsa në pozitën e katërt ekipore është radhitur klubi Tefejuz nga Shkupi me 55 pikë, vendi i pestë i ka takuar përfaqësueses së Kosovës me 41 pikë. “ Duke pasur para sysh konkurrencën e madhe në këtë turnir ndërkombëtar lirishtë mund të them se jemi të kënaqur me rezultate e arritura” tha Shaban Tërstena i cili së bashku me Nazmi Aliun dhe Rexhep Asanin e përgatitin klubin Tefejuz
Në garat individuale përfaqësuesit e klubit Tefejuz kanë arritur këto rezultate: Besmir Veseli në kategorinë 76 kg vendi i parë, Erduan Memedi në kategorinë 58 kg vendi i dytë , ndërsa Isuf Saiti 54 kg, Adem Ademi 85 kg, Jetmir Imeri 58 kg dhe Abdulkader Murati ka fituar vendete treta. Për të gjithë më të mirët organizatori ka ndarë medalje dhe diploma / Sh.S./