Ministri i Ekonomisë Fatmir Besimi, vlerëson se javën e fundit kanë filluar të shënohen rezultate pozitive në ekonomi. Sipas tij, zvogëlimi i importit në raport me eksportin, është sinjal i mirë.

Kjo tha Besimi, tregon se është ulur deficiti tregtar në vend. Besimi këto komente i bëri pas një takimi që kishte afaristët e Tetovës në Komunën e Bërvenicës.

"Ajo që garanton një stabilitet të ekonomisë në afat të gjatë dhe deficitit tregtarë, nuk është një kategori që zgjidhet në afat të shkurtë, që mund të zgjidhet brenda vitit, por është një kategori që mund të zgjidhet në afat të mesëm dhe afat të gjatë.

Kjo mund të zgjidhet vetëm me masat që garantojnë rritje të aftësisë konkuruese të vendit", thekson Fatmir Besimi, ministër i Ekonomisë.