Investitori amerikan dhe njëri nga njerëzit më të pasur në botë Uoren Bafet ka blerë për 10,7 miliardë dollarë aksione të kompanisë "Interneshënël biznis mashins" (IBM).

Ky është investimi i tij më i madh në sektorin e teknologjisë informative, të cilën deri më tani, sipas rregullit e ka evituar. Për bankat evropiane Bafet nuk është i interesuar, sepse nuk është i sigurt nëse BE-ja është në gjendje të kryejë ndryshime të domosdoshme për Evropën që të dalë nga kriza.

Ai në bisedë për televizionin CNBS deklaroi se aksionet e IBM i ka blerë në pjesë edhe atë përmes fondit të tij investues "Berkshir Hetuej". Bafet me blerjen ka filluar që në mars, ndërsa udhëheqësinë e IBM paraprakisht nuk e ka informuar për qëllimin e tij. Firma ka mësuar madje nga intervista televizive.

Bafet ka mbledhur gjithsej 64 milionë aksione, që paraqet pjesë në IBM prej 5,5 përqindëve dhe me këtë numërohet mes investitorëve më të mëdhenj në këtë kompani.

Uoren Bafet këtë vit veçmë ka blerë aksione në institucion financiar amerikan "Benk of Amerika", banka më e madhe në SHBA. Në të ka investuar rreth pesë miliardë dollarë.