Kreu i shtetit ka apeluar sërish klasën politike për dialog dhe bashkëpunim ndërmjet tyre, duke e cilësuar këtë hap si një detyrim ndaj interesave të qytetarëve shqiptarë. Në “Ditën Ndërkombëtare të Tolerancës” presidenti Topi tha se është koha për bashkëpunim konkret, pas një mungesë të gjatë të dialogut institucional.

Kreu i shtetit përmendi Nënë Terezën si shembullin më të mirë të tolerancës dhe mirëkuptimit.

Deklarata e presidentit Topi u bë gjatë aktivitetit të organizuar nga një Koalicion Organizatash dhe Aktivistësh të Shoqërisë Civile, në Ditën Ndërkombëtare të Tolerancës. Në këtë aktivitet ishin të pranishëm intelektualë, akademike, politikanë, të rinj e të reja, si edhe Ambasadorë të akredituar të Tiranë, të cilët kanë dhënë edhe mesazhet e tyre për tolerancën.