- Prej vitit shkollor 2013/2014 maturantët do të hyjnë në provim në katër lëndë eksterne të maturës shtetërore, informoi sot në pres-konferencë ministri i Arsimit dhe Shkencës Pançe Kralev.

Gjenerata e këtij viti dhe vitit të ardhshëm shkollor si deri më tani do të testohen në dy lëndë ekterne - gjuhë amtare dhe literaturë si i obligueshëm dhe për përzgjedhje - matematikë ose gjuhë të huaj, ose filozofi ose estetikë për shkollat e artit.

Me lëndët eksterne shtesë do të hiqen dy internet përmes së cilave maturantët vlerësohen nga mësimdhënësit e tyre të lëndës. Teste eksterne ose nga jashtë i vlerëson Qendra për provim shtetëror (QPSH).

Ministri Kralev tha se në konsultime me QPSH-në me Byronë për zhvillim të arsimit do të vendoset se cilat lëndë të reja do të jenë eksterne dhe si do të testohen.

Theksoi se herët po e paralajmëron këtë lajm për nxënësit e shkollave të mesme të cilët tani janë në vitin e dytë që të kenë mjaft një periudhë të gjatë për përgatitjen e maturës shtetërore me një numër të rritur të lëndëve.

"Dëshirojmë që nxënësit të fokusohen në lëndët që do të jenë bazë e mirë e arsimit të lartë që pastaj do ta zgjedhin. Me dy lëndët shtesë eksterne do të përmblidhen nevojat për testim të njohurive të fituara në arsimin e mesëm", tha Kralev.

Sistemi elektronik që përgatitet për testim ekstern të të gjithë nxënësve në fund të vitit do të implementohet dhe për zbatimin e maturës shtetërore. Sistemi ëshët ende në përgatitje dhe funksionimi teknik i tij do të kontrollohet në testim të provuar ekstern.

Matura shtetërore e sivjetmë si deri më tani do të mbahet në fillim të muajit qershor.