Deputeti i LDK-së Lutfi Haziri ka shpejguar në një intervistë për “Bota sot” propozimin e tij për ridefinimin e kufijve të Kosovës me Serbinë. I pyetur se a e prek propzimim i tij çështjen e statusit dhe a e prish Pakon e Ahtisarit hazir është përgjigjur: “Jo absolutisht . Ne i marrim shqiptarët, në radhë të parë njerëzit tanë që kanë mbetur keq në Kosovën Lindore.

Marrëveshje paqësore për të drejtat civile dhe politike në Kosovën Lindore mes UÇPMB-së dhe Serbisë ka dështuar sepse nuk është implementuar kurrë nga Serbia. Shqiptarët në Bujanovc janë shumicë dhe natyrshëm është pritur që me marrë një komunë për ta udhëhequr, kurse pjesa tjetër ka mbetur jo valide.

Atëherë përveç njerëzve në kuptimin e tokave, kadastrit, si parim, kufiri i Kosovës kthehet në vijën historike të vitit 1956 ajo që është hekurudha apo rruga e hekurudhës aty ku dominon shumica shqiptare në këtë pjesë të Kosovës, sepse ajo gjithmonë ka qenë Kosovë Lindore.

Presheva dhe Bujanovci janë pjesë gjeografikisht territorialisht kanë qenë të pa ndarë nga Kosova.