Sipas të dhënave të numërimit krahasues të televizionit shtetëror spanjoll TVE, në zgjedhjet e parakohshme parlamentare që u zhvilluan sot në këtë vend, ka fituar partia konservatore , partia Popullor e Marian Rajoy (në foto).

Parti Popullore në përbërjen e re parlamentare prej 350 deputetëve do të ketë shumicën absolute, përkatësisht 187 ulëse, 33 më shumë se në vitin 2008, kurse socialistët, të cilët ishin në pushtet për shtatë vjet rresht, kanë fituar 109 vende.

Kryeministri i deritashëm, José Luis Rodríguez Zapatero nuk kandidoi në garën për rizgjedhje, ndërsa sipas mendimit të vëzhguesve për këtë disfatë të socialistëve është meritore gjendja e keqe ekonomike dhe papunësia e lartë mbi 20 për qind.

Sipas të dhënave jo zyrtare, pjesëmarrja në votime është diç më e ulët se në zgjedhjet e rregullat të vitit 2008. Sipas raportimeve të medieve spanjolle, deri në orën 18 sot kanë votuar afro 58 për qind e zgjedhësve, derisa para tre vjetëve kjo pjesëmarrje ishte 60 për qind.