Ndërmjetësi i bisedimeve Serbi-Kosovë, Robert Cooper, pas përfundimit të raundit të shtatë të dialogut, ka deklaruar se menaxhimi i integruar i kufijve është një kriter i BE-së, të cilën duhet ta zbatojnë të gjitha vendet e rajonit.

Raundi i shtatë “ishte takim i mirë”- ka thënë më tej ai, por nuk ka prodhuar rezultate ashtu sikurse ka shpresuar.

“Kemi pasur diskutime substanciale për menaxhimin e integruar të kufijve. Ky është një standard Europian që duhet të zbatohet në tërë rajonin. Nëse përqendrohemi në vështirësitë që ka, mund të vlerësohet se kurrë nuk do të realizohet, por mund të realizohet. Vetëm duhet që secili ta kuptojë rëndësinë e realizimit të saj. Është një koncept i mirë”, ka thënë Cooper.