Me qëllim të promovimit të vlerave të bashkëjetesës, tolerancës dhe mirëkuptimit dhe komunikimit të sinqertë, Komisionit për marëdhënie ndëretnike pranë Komunës së Çairit së bashku me disa OJQ të grupeve të ndryshme etnike , në këtë rast Vizioni M (OJQ shqiptare), OJQ Kopry (turke), LULUDI (rome) dhe Qendra kulturore e boshnjakëve vendosën të realizojnë projektin Ditët e Çairit të përkrahur nga OJQ Vlerat e përbashkëta dhe e financuar nga Fondacioni King Baudin dhe Komuna Çair.

Në kuadër të këtij projekti ishin të parapara mbajtja e dy Manifestimeve me karakter multietnik, një Turnir në futboll të vogël që u mbajt më datë 8 dhe 9 Tetor 2008, në Sallën sportive Partizan dhe një Koncert multikulturor me shoqëritë kulturore artistike të Komunës Çair gjithashtu përfaqësues të grupeve etnike të cilat jetojnë në komunën e Çairit. Të gjitha manifestimet mbaruan me sukses me shpresë se këto manifestime do te behen tradicionale.