Nisin negociatat për projektin e gazsjellësit Trans Adriatic Pipeline.

Kjetil Tungland, Drejtori i Përgjithshëm i Gazsjellësit TAP u shpreh se ndërtimi i këtij gazsjellësi do të japë mjaft efekte pozitive në ekonominë shqiptare. Sipas Tungland vetëm për pjesën shqiptare të projektit janë vënë në dispozicion 1 miliard euro.

“Shqipëria do të luaj një rol të rëndësishëm në hapjen e korridorit jugor të gazit, duke siguruar të ardhmen e energjisë së BE-së përfshirë edhe Evropën Juglindore.

TAP do të japë një kontribut të rëndësishëm në ekonominë shqiptare, si në aspektin e investimeve dhe në zhvillimin e rrjeteve të infrastrukturës së energjisë dhe furnizimit.

Ne mirëpresim ecjen përpara të bisedimeve tona dhe përfundimin e një marrëveshjeje.

Fillimi i negociatavepër një kontratë Lejeje me vendin pritës është zhvillimi më i fundit mes një numri zhvillimesh pozitive për këtë projekt në Shqipëri” ka theksuar Tungland.

Ministri i ekonomisë ,Tregtisë dhe Energjitikës Nasip Naço vlerësoi gjithashtu rëndësinë e këtij projekti jo vetëm për Shqipërinë por edhe për Ballkanin.

TAP është një projekt gazsjellësi që do të transportojë gaz natyror nga rajoni i Kaspikut përmes Greqisë dhe Shqipërisë më pas në detin Adriatik drejt jugut të Italisë dhe më tej në Evropën Perëndimore