Ministri i Mjedisit Jetësor dhe Planifikimit Hapësinor, Abdilaqim Ademi sot në Tiranë do të marrë pjesë në konferencën përfundimtare të "Dialog-procesit të Drinit për bashkëpunim ndërkufitar për mbrojtjen e Basenit të Drinit".

Në takim do të marrin pjesë edhe ministrat e mjedisit jetësor të Shqipërisë, Greqisë, Kosovës, Malit të Zi dhe Maqedonisë, si dhe përfaqësues të lartë të bashkësisë së donatorëve e cila është e involvuar në aktivitetet e basenit, gjegjësisht Komisionit evropian në kuadër të Kombeve të Bashkuara (UNECE), Partneritetit global për ujë në Mesdhe, Zyrës informative të Mesdheut për mjedis jetësor, kulturë dhe zhvillim të qëndrueshëm (MIO-ECSDE), UNDP, Agjencisë suedeze për mbrojtjen e mjedisit jetësor dhe të tjerë.

Pritet nënshkrimi i Memorandumit për mirëkuptim për menaxhim me Basenin e zgjeruar jashtëkufitar të Drinit, si dhe marrjen e qëndrimeve të përbashkëta të shteteve të involvuara lidhur me prioritetet në aktivitetet e ardhshme.