Telnis Skuqi

Jeta e nje vogelushi u vu ne rrezik mengjesin e fillimjaves kur nje automjet aksidentoi prane shkolles 7-vjecarin nga Gjirokastra. Fatmiresisht, vogelushi ia hodhi paq, mori disa gervishtje te lehta, ndersa inspektoriati i qarkullimit rrugor nisi menjehere hetimet per te zbardhur shkaqet e ketij aksidenti.

Nga ekspertiza rezultoi se drejtuesi i automjetit kishte respektuar Kodin Rrugor, por "fajtor" ishte vogelushi, i cili ne menyre te befasishme doli nga trotuari, duke u perplasur me makinen.

"Aksidenti ishte pasoje, ndersa shkaktaret ishin tregtaret ambulante, te cilet kane zaptuar trotuaret prane shkolles", sqaron Xhemil Biraci, kryeinspektor i qarkullimit per qarkun e Gjirokastres. Sipas tij, pavaresisht se shoferi i automjetit kishte frenuar ne kohen e duhur, kjo ngjarje ishte mesim, si per institucionin qe ai drejton dhe per pushtetin vendor.

"Ne cdo vend te botes, trotuaret prane shkolles trajtohen ndryshe, ne Gjirokaster ndodh e kunderta", specifikon Biraci. Ai thote se per kete ngjarje eshte njoftuar dhe pushteti vendor, te cilet menjehere kane nisur aksionin per "pastrimin" e trotuarit nga tregtaret ambulante.

"Kater vogelushe kane humbur jeten gjate 10 viteve te fundit dhe fatkeqeisht te gjitha aksidentet kane ndodhur prane objekteve shkollore. Bashkia e Gjirokastres urgjentisht duhet te nderhyje per te garantuar trotuaret, pasi largimi i tregtareve eshte kompentence e pushtetit vendor", shprehet Biraci.

Ne Gjirokaster, gjate 20 viteve te fundit, trotuaret kane qene dhe jane ekskluzivitetin i tregtareve, pavaresisht se ato jane ndertuar enkas per kembesoret. Tashme qeveria vendore po mendon te largoje, qofte edhe me force, tregtaret, duke bere me te lehte qarkullimin e kembesore, sidomos femijeve.

"Bashkia e Gjirokastres po harton nje strategji, qe brenda ketij muaji te jene larguar tregtaret ambulante, pasi kemi kostatuar se ky fenoment po kthehen ne sistem", shprehet Perparim Kore, shef i sherbimeve publike.

Sipas tij, pothuajse te gjitha trotuaret e lagjes "18 shtatorit", zona kryesore e qytetit te Gjirokastres, jane zaptuar nga tregtaret, te cilet tregtojne produket bujqesore, blegtorale apo veshmbathje, ne dem te sigurise se jetes.

"Me tolerancen tone kemi stimuluar nje politike te gabuar. Ne vend te edukojme njerezit te respektojne rregullat e qarkullimit, ne fakt kemi bere te kunderten. Kjo eshte e pafalshme", pohon Kore. Me tej, shefi i sherbimeve publike nenvizon se trotuaret nuk zaptohen vetem nga tregtaret, por edhe nga parkingu i paligjshme. Situata rendohet akoma me shume, kur shume drejtues automjetesh parkojne mbi trotuare, sidomos ky fenoment ndodh prane Universitetit "Eqrem Cabej".

"Besoj se ne bashkepunim me inspektoriatin e qarkullimit rrugor do te bejme te mundur "pastrimin" e trotuareve nga kundravajtesit, pasi krahas bllokimit te qarkullimit te njerezve, parkimi i gabuar po shkaterron te gjitha pllakat", perfundon Kore.